Ушбу даво тури ҳалолми?

Ассалому алайкум! Ҳурматли зикр аҳлидан сўранг ҳайъати аъзолари. Ҳозир сизларга берадиган саволимдан бироз тортинмоқдаман. Аммо мажбурият юзасидан бу саволни беришга мажбурман. Опамнинг мана 10 кундан ошдики тинмай иситмалари чиқмоқда. Шифохонада даволаниб чиқдилар. Лекин дорилар фойда бермади. Ҳомиладор бўлганлари сабабли ҳамма дори воситалари ҳам мумкин эмас. Хуллас, 10 кун шифохонада даволаниб чиққан бўлсалар ҳам барибир иситма чиқишда давом этаяпти. Бир шифокор чувалчангдан бир нима тайёрлаб, уни истеъмол қилишни маслаҳат берибди. Опам ҳам, мен ҳам судралиб юрувчи ҳайвонлар ҳаром саналгани боис бу ишда иккиланиб қолдик. “Тиб.ислом.уз” сайтидан излаб кўрсам бу мавжудотни қайси бир касаллик учун ташқи қўллаш яъни, суртиш ҳақида маълумот берилган. Шуни истеъмол қилиш мумкинми? Саволим ноўрин ва ҳажми катта бўлиб кетган бўлса ва сизларнинг вақтларингизни олган бўлсам узр сўрайман.