Жойнамознинг олдига тўсиқ қўйиш
19:28 / 24.10.2014 | muhiddin | 3324
Ассалому алайкум, ҳурматли Шайх Ҳазратлари! Аллоҳ ёмонликдан сақласин сизни, устоз! Жойнамоз олдига бирор буюм, масалан, телефон жиҳози ёки тошга ўхшаш нарсаларни тўсиқ қилиб намозни адо қилса бўладими?
Шайх Муҳаммад Содиқ Муҳаммад Юсуф роҳимаҳуллоҳ:
Агар ҳеч нарса топилмаса, бир чизиқ чизиб қўйса ҳам, бўлади. Мақсад, намозхоннинг олдидан бирор нарса ўтиб кўнглини бузмасин, хусусан, шайтон васваса қилмасин. «Сутра» деганда намозхоннинг олдидан бирор нарса ўтмаслиги учун қўйилган тўсиқ тушунилади. «Сутра»ни Ҳанафий ва Моликий мазҳаблари мандуб, Шофеъий ва Ҳанбалий мазҳаблари мустаҳаб, деганлар. Девор, устун, найза, асо, бошқа бирор нарса сутра бўлиши мумкин.
