Имом Ал-Бухорий китоблари ҳақида 2

Ассалому алайкум, ҳурматли Шайх Ҳазратлари! Мен ўтган саволимда Имом Ал-Бухорийнинг "Ал-Жомиъ Ас-Саҳиҳ" китоблари ҳақида сўраган эдим. Жавоб берганингиз учун катта раҳмат. Бу саволим, унинг давоми. Мен олган Имом Ал-Бухорийнинг "Ал-Жомиъ Ас-Саҳиҳ" китобида (китобнинг биринчи бетида) шундай деб ёзилган: Абу Абдуллоҳ Муҳаммад Ибн Исмоил Ал-Бухорий "Ҳадис" 1 Ал-Жомиъ Ас-Саҳиҳ (Ишонарли тўплам) Қомуслар бош таҳририяти - 1991-йил. Арабчадан - Зокиржон Исмоил таржимаси Профессор - Неъматуллоҳ Иброҳим ва Шоир Мирзо Кенжабек таҳрири остида Муҳаррир - Хожа Бахтиёр Набихон деб ёзилган. Ҳурматли Шайх Ҳазратлари, мен бу китобни ўқийверайми ёки ўқиш мумкин эмасми? Агар бу китобни ўқиш мумкин бўлмаса нима қилай?