Ғусл ҳақида
Ассалому алайкум! Мен таътилда қишлоққа бориб келмоқчи эдим. Ҳозир уйимда ғусл ва таҳорат учун ҳамма шароит мавжуд. Аммо қишлоқда ғуслга шароит йўқроқ. Шунинг учун сизлардан ёрдам сўрамоқчи эдим. Қишлоқда қандай поклансам бўлади?
Ва алайкум ассалом! Шу нарса бизнинг биринчи бўлиб аҳамият берадиган нарсамиз. Сиз ўғил боласиз у хонадонларда яшовчи аёлларчи? Қанча-қанча аёллар одатларидан пок бўлиб, кеч бўлишини кутадилар. Баъзилари қариндошлари келгани туфайли бир, икки кунни ўтказиб ҳам юборадилар. Бу муаммога йўл қидиришдан кўра шароитини муҳайё қилиш керак. Қанчалар ҳаё қилиш керак бўлган ишлар оддий ҳол бўлиб қолди. Худонинг фарзларининг шартлари эса ҳаё қилинадиган бўлиб қолди. Аёлларга шароит яратиб бермагани учун эркаклар қиёматда жавоб беради. Валлоҳу аълам.
