Тишдаги брекет
09:57 / 04.02.2023 | Барчиной | 1337
Ассалому алайкум! Мен тишга қўйилган кўз хақидаги савол жавобни ўқидим ва тишга кўз ёпиштириш дуруст эмас ғуслда тишларга сув етишликка монелик қилинади дейилган ва тишида кўзи борлигидаги намозлар қайта ўқийди дейилган. Мен тишимни даволатиш учун брекет қўйдирганман 1 йил бўлди ва яна 1 йилча туриши керак экан мен тахорат ва ғусл қилганимда тишимга ёпиштирилган брекетнинг тагига сув бормайди менинг тахоратим ва ғусл қилишим пухта бўлябдими?
«Зикр аҳлидан сўранг» ҳайъати:
– Ва алайкум ассалом! Айбни кетказиш учун зарурат ўлароқ брекет тақиш жоиз. Зарурат туфайли ўрнатилгани учун у ғуслга монелик қилмайди, деб эътибор қилинади. Ҳусн учун тишга ёпиштириладиган кўзга эса зарурат йўқ. Шу туфайли у асл ҳолича қолади. Валлоҳу аълам!
