Савдода шериклик
22:46 / 08.01.2016 | MuhammadYusuf Turabayev | 2300
Ассалому алайкум! Биз бир дўконда 3 киши шерик бўлиб ишлаймиз. Дўконни шериклардан икки киши сотиб олганмиз. Дўкон сотиб олган иккимиз ҳар ой даромаддан дўконга арендани ажратиб оламиз ва қолган даромадни 3 қисмга бўламиз шу тўғрими? Яъни 3-кишига жабр эмасми бу? (мол айланмаси учун 3 киши тенг сармоя киритганмиз мазкур икки киши сармоядан ташқари дўконни ҳам эгаларимиз).
«Зикр аҳлидан сўранг» ҳайъати:
Ва алайкум ассалом! Бу шериклардан бири ўз дўконини қолган шерикларига ижарага бериш ҳисобланади. Бу мисоли дўконни бегона одамга ижарага бериб, ижара ҳақини олган кабидир. Дўконнинг икки эгалари тушадиган фойдадан ҳиссаларини учинчи шерикнинг ҳиссасидан одатда дўконнинг ижараси учун тўлайдиган миқдорча кўпайтиришса, шак-шубҳасиз жоиз бўлади. Валлоҳу аълам.
