Ғусл қилиш
15:32 / 14.01.2016 | xamza | 3498
Ассалому алайкум! Ҳурматли устозлар, мен бўлимдан ғусл бўлимини тополмадим. Шунинг учун таҳорат бўлимидан савол йўллаябман. Ғусл қилаётганда иложи борича камроқ сув ишлатиш керакми ёки трубалардан оқиб келадиган сувга ғусл қилса ҳам бўладими? Яна ғусл қилаётганда шампунь ёки совун ишлатса бўладими ёки мумкин эмасми? Жавобингиз учун олдиндан раҳмат.
«Зикр аҳлидан сўранг» ҳайъати:
Ва алайкум ассалом! Сувни исроф қилмасангиз бўлди. Биринчи бор ювинишнинг ўзида ғуслнинг фарзини адо қилган бўласиз. Шампунь ёки совун ишлатиш жоиз. Валлоҳу аълам.
