Исм

Ассалому алайкум! Бир биродарим ўғлининг исмини Яздон деб қўйибди. Бу исмни қаердан олганини сўрасам, Али розияллоҳу анҳунинг бир насроний аёллари бўлиб, ундан ўғил фарзанд кўрган, лекин Али розияллоҳу анҳу буни билмаганлар. Чунки у киши ғазотда бўлганлар. Шу аёллари ўғилини исмини Яздон деб қўйган. Али розияллоҳу анҳу бу ўғилларини ҳеч кўрмаганлар. Яздон  отаси ким эканлигини излаб йўлга чиққанда Али розияллоҳу анҳуга дуч келади ва улар қандайдир сабабга кўра ўзаро жанг қилишади ва Али розияллоҳу анҳуни ўғили енгади. Яздон ҳаётда жуда ҳам жисмонан бақувват бўлади. Хуллас шу ҳикояни айтиб, шу Яздонни бақувватлигига ҳавас қилиб шу исмни қўйибди. Мен тўғриси бу ҳикояга ишонмай ўғлига  бирор чиройли ва исломий исм қўйишни маслаҳат бердим. Лекин биродаримиз сўзида қаттиқ туриб олди. Ҳурматли устозлар, шу ҳикоя қанчалар тўғри ва шундай исм қўйиш мумкинми?