Ломбардга гаровга тилла қўйиш
17:16 / 22.04.2016 | Зухриддин нажмудинов | 3260
Ассалому алайкум! Ҳозир Москвадаман, яқинда менга жуда пул зарур бўлиб колди. Ҳеч кимдан қарзга пул топа олмадим ва ломбардга бориб тилла узукни бериб, ўз нархидан анча кам миқдорда пул олдим. Мени саволим шуки, энди ўша узукни 2 ой мухлат ичида қандайдир фоиз эвазига ўзим қайтариб сотиб олишим мумкин экан. Улар 2 ой сақлаб турар экан. Шу узукни қайтариб сотиб олишим жоизми? Жавоб учун олдиндан раҳмат.
«Зикр аҳлидан сўранг» ҳайъати:
Ва алайкум ассалом! Ломбардга берилган узук, гаров ҳисобланади. Асосий гап сиз улардан қарзга пул олгансиз. Қарзни қайтаришда устига пул қўшиб берсангиз судхўрликка пул олиб, фоизи билан қайтарган бўласиз. Валлоҳу аълам!
