Саудия саҳросидан чиққан сув
Ассалому алайкум! Ҳурматли устозлар, интернетда Саудиядаги Касим чўлида отилиб чиқаёткан сувнинг видеоси тарқалди. Айтишларича қиёмат кунига яқин Араб сахролари чаманзорларга айланади деган ҳадис бор экан. Бу маълумотлар тўғрими?
- Ва алайкум ассалом! Ҳадисда қуйидагича келади:
عَنْ أَبِي هُرَيْرَةَ رَضِي اللهُ عَنْهُ، أَنّ رَسُولَ اللَّهِ صَلَّى اللَّهُ عَلَيْهِ وَسَلَّمَ ، قَالَ : " لَا تَقُومُ السَّاعَةُ حَتَّى يَكْثُرَ الْمَالُ وَيَفِيضَ ، حَتَّى يَخْرُجَ الرَّجُلُ بِزَكَاةِ مَالِهِ ، فَلَا يَجِدُ أَحَدًا يَقْبَلُهَا مِنْهُ ، وَحَتَّى تَعُودَ أَرْضُ الْعَرَبِ مُرُوجًا وَأَنْهَارًا
Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам: “Киши молининг закотини олиб чиқиб ундан уни қабул қиладиган кишини топа олмайдиган даражада мол кўпайиб, ҳамма ёққа тарқалмагунча ва араб ерлари ўтлоқзор ва анҳорлар бор ҳолига қайтмагунча қиёмат қоим бўлмайди” деганлар.
Муслим ривояти.
Ҳозирда фан араб қумликлари остида қачонлардир ўрмонзорлар ва дарёлар бўлганини аниқлади. Йилдан-йилга эса қумликлар яна ўша ҳолига қайтмоқда. Валлоҳу аълам!
