Бўрининг аъзоси ҳақида
08:12 / 28.04.2016 | Аброржон | 4565
Ассалому алайкум! Ҳозирги кундаги баъзи эркаклар урғочи бўрини жинсий аъзосини олиб юришипти. Айтишларича у эркак кишига омад кeлтирар экан. Шу ростми? Бу нарсани олиб юриб, шунга ишониш динимизда қандай зикр қилинган? Жавобингизни кутаман олдиндан раҳмат.
«Зикр аҳлидан сўранг» ҳайъати:
Ва алайкум ассалом! Тириклигида бўрининг ўзига омад келтирмаган нарса, ўлгандан кейин уни кўтариб юрувчиларга қандай омад келтиради? Қолаверса, ҳаром ҳайвоннинг аъзолари ҳам ҳаром ҳисобланади. Доимий ўзи билан бирга нажосатни олиб юрувчи кишидан фаришталар қочиб, кофир жинлар ёпишади. Қолаверса мўминликнинг шартларидан бири, яхшилик ва ёмонлик Аллоҳдан эканига иймон келтиришдир. Валлоҳу аълам!
