Мусофирнинг намози
18:22 / 28.04.2016 | Abdullox | 2308
Ассалому алайкум! Мен мусофирман, Аллоҳга шукур қўлимдан келганича намоз ўқйиман. Бу ерларда тун қисқалиги учун хуфтон намозидан кейин ухламай бамдод ни ўқиб, кейин ухлайман. Агар шундай қилмасам бамдодга ухлаб қолишим аниқ. Саволим шуки, “бамдод намозидан кейинги уйқу ҳаром” деб эшитганман. Шу ростми? Шу саволимга ойдинлик киритиб берсангизлар. Жавоб учун олдиндан раҳмат.
«Зикр аҳлидан сўранг» ҳайъати:
Ва алайкум ассалом! Шариатимизда “бамдод намозидан кейинги уйқу ҳаром” деган гап йўқ. Агар ишингиз шуни тақозо қилса, ухлашингиз жоиз. Валлоҳу аълам!
