Холдан кечиш мумкинми?
Ассалому алайкум! Ҳазрат мен сизга Дунё саодатини тилаб, бир савол билан мурожаат килмокчи эдим. Юздаги, умуман инсон танасидага туғма, бўртиб чиқган холни операция қилиб олиб ташлаши мумкинми? Кўпчилик мумкин эмас дейди. Бу хусусида Муқаддас Динимизда нима дейилади ва яна бир нарса, агар олдирмоқчи бўлсанг эҳсон ёки қурбонлик қилишинг керак деган ирим-сиримлар бор?
– Ва алайкум ассалом! Худди шунга ўхшаш саволга уч кун олдин жавоб берган эдим. Аммо сизлар савол беришдан олдин саҳифага бир назар солиб, тайёр турган жавобни ўқиб олишга эринасизлар. Натижада бизни қийин аҳволга соласизлар. Биз ўтган нарсани сизларга излаб топиб беришимиз керак бўлади. Ўзиниг ўйлаб кўринг. Ушбу саволга жавоб ёзаётган пайтимда яна ўн беш бет савол мени кутиб турибди. Бу саволларга жавоб бериш менинг қиладиган ишларимнинг 5-6 фойизини ташкил қилади. Бизга ҳам бир оз раҳм қилинглар.Ҳанафий, моликий, шофеъий ва ҳанбалий уламоларнинг кўплари инсон билан бирга туғилган ортиқлар одатдаги ўрганиб қолинган яратилишга нуқсон ҳисобланади ва уларни олиб ташлаш нуқсонни йўқотиш ва жамолни зиёда қилишга хизмат қилади, деганлар.Ундай ортиқларни кесиб ташлашга қуйидагишартлар ила рухсат берилган:
1. Ортиқ одатдаги ўрганиб қолинган яратилишга зиёда бўлиши керак.
2. Ортиқ моддий ёки маънавий зарарга олиб борадиган бўлиши керак.
3. Отиқнинг эгаси ёки унинг валиюл амри рухсат бериши керак.
4. Ортиқнинг кесиш бирор аъзонинг талофати ёки заифлашишига олиб бормаслиги керак.Кувайтда чоп этилган «Баъзи тиббий ишларга нисбатан Исломий кўзқараш» китоби. 512-513-бетлар. Бунинг учун алоҳида марсим қилиш йўқ.
