Никоҳда отасининг исми
Ассалому алайкум! Ҳурматли Зикр аҳлидан сўранг ҳаяти! Аллоҳ барчангиздан рози бўлсин. Бир масала мени қийнаб келади. Никоҳ ўқиётганда куёв отасининг исми тўғри айтилмаса никоҳ бўлмайдими? Яъни бизнинг никоҳимиз ўқилаётган пайти турмуш ўртоғимнинг 2-оталари яъни боққан оталарининг исми айтилган. Ўзларининг оталари ёшликларида вафот этган оналари бошқа турмуш қилган. У пайт ҳўжайиним жуда кичик бўлган. Ҳўжайиним онасининг иккинчи турмуш қурганини билади. Ўгай отасини ўз отасидек кўради. Никоҳимиз ўқилаётганда ўгай отасини исми айтилган. Никоҳимизга 8ой бўлди шундан бери шуни ўйлайман. Никоҳимиз қабул бўлганми?
– Ва алайкум ассалом! Никоҳ вақтида сиз ва гувоҳлар кимга никоҳланаётганингизни билишган бўлишса бўлди, отани исми айтилмаган бўлса ҳам. Валлоҳу аълам!
