Бу рибо эмасми?
Ассалому алайкум! 1). Укам бир танишидан насия савдога (тўлови ойма-ой бўлган) кўчмас мулк сотиб олишга келишган. Ўша таниши ўз навбатида кўчмас мулкни банкдан кредитга олган экан. Бир неча ойлар давомида тўловлар амалга оширилган (Укам танишига, таниши эса банкка). Укам масаланинг жиддийлигини англаб етганидан сўнг, шартномани бекор килди. Савол: 1) Укам рибога аралашиб қолдими? 2) Укамнинг таниши тўловни қайтариб беришга рози. Бу ҳолатда тўловнинг ҳаммасини қайтариб олиш афзалми ёки тўловни ўша танишининг фойдасига воз кечган афзалми?
3) Агар тўловни, танишининг фойдасига воз кечса, рибога ёрдам бўлиб қолмайдими?
Ва алайкум ассалом! 1). Рибога аралашгани йўқ. Албатта буни билиб туриб қилмаган бўлса. 2). Қоида шуки, бу суратда байъ саҳиҳ, шарт ботилдир. Рибога қўл урган киши гуноҳнинг энг каттасини қилган ҳисобланади. Укангизга буни алоқадор жойи йўқ. 3). Тўловнинг ҳаммасини қайтариб олишга ҳаққи бор. Валлоҳу аълам!
