Закот миқдори?
04:48 / 31.05.2016 | Abdulloh | 2626
Ассалому алайкум! Ўзбекистон мусулмонлари идораси Фатво ҳайъатининг милодий 2016 йил учун закот нисоби, 85 гр. тилло ҳисобидан 11 475 000 сўм эканлиги ва мазкур суммадан қирқдан бир ҳиссаси, яъни 286 875 сўм закот чиқариш тўғрисидаги хулосаси маъқулланди.
Мен сўрамоқчи бўлганим, мисол учун, агар менинг пул маблағим 60 млн. сўм миқдорида бўлса, пул маблағим нисоб миқдори 11,475 млн. сўмдан ошганлиги учун 286.875 сўм закот берилиб шу билан чегараланади-ми, ёки 60 млн. сўм бўлганлиги, яъни нисобдан 5 баровар кўп бўлганлиги учун, 5 баровар кўп миқдорда закот бераманми ? Жавоб учун олдиндан раҳмат.
«Зикр аҳлидан сўранг» ҳайъати:
Ва алайкум ассалом! Олтмишнинг қирқдан бирини берасиз. Валлоҳу аълам!
