Жамоат намозига оид баъзи саволлар

Ассалому алайкум! Жамоат намозига оид баъзи саволларим тўпланиб қолган эди. Шуларни аниқлаштириб берсангиз.
Агар киши жамоат намозига етиб келганида имом рукуъга кетган бўлса, у ҳам рукуъга қўшилса, ўша ракъатни ўқиган хисобланадими ёки намози тугаганида туриб қайта ўқиши керакми?
Жамоатга қўшилганида намоз бошланиб бўлган бўлса, икки қўлини боғлаганидан кейин "субҳанакаллоҳумма"ни айтадими?
Фараз қилайлик мен намозни 2 ракъатига кеч қолдим ва салом берганидан кейин ўша 2 ракъатни ўзим ўқияпман. Шу вақт ортимдан бошқа одам келиб менга иқтидо қилса мен нима қилишим керак? Билишимча бизни ҳанафий мазҳабимизда бундай иш дуруст эмас. Мен яшаятган жойда кўпчилик шофеий мазҳабида. Улар олдин муқтадий бўлиб турган одамга ўзи ўқиятган бўлса, имом деб иқтидо қилиб кетаверишади ва шу тарзда муқтадий имомга айланаверади. Рахмат.