Жамоатдаги саф
Ассалому алайкум! Баъзан анча олдин қурилган масжидларга кирганимизда, устунлар ўрнида ғишт тeрилган бўлади. Уларни кeнглиги 1 мeтрдан кўпроқ бўлгани учун сафлар орасида узилиш бўлади. Шу ҳолатда жамоат намозига нуқсон eтмайдими? Саволим ноўрин бўлса узр. Бeрилаётган жавоблар учун Аллоҳ сизлардан рози бўлсин.
Ва алайкум ассалом! Намозда масжид ичидаги устунлар саф орасига тушиб қолса, макруҳ эмас. Устуннинг икки ёнидаги сафлар, узун бўлмасада алоҳида-алоҳида саф бўлиб қолаверади. Сафнинг ўртасига устун тўғри келиб қолиши, орага бирор нарса қўйилган кабидир. Бу иқтидонинг дурустлигини ман қилмайди, кароҳиятни ҳам вожиб қилмайди. Саф уланиши учун устунни олд тарафига бирор киши туриб олса, лекин устун сабабидан сафдан бироз чиқиб қолса жоиз эмас. Бу Расулуллоҳ соллаллоҳу алайҳи васаллам сафни текис қилишга қаттиқ эътибор берганлари учун. Валлоҳу аълам!
