Ақиқа

Ассалому алайкум! Ҳурматли устозлар, аввалам бор сизларга раҳмат. Айтмоқчиманки, сизларни қилаётган меҳнатларингиз туфайли кўпдан кўп билмаган нарсаларимни билиб олаябман! Худо хоҳласа, шу кунларда фарзандим Мустафога ақиқа қилмоқчимиз. Шу сабабдан сизлардан маслаҳат сўрамоқчи эдим.
1. Қўйни танлаш масаласида бир танишим совдалашмасдан, айтган пулига олиш керак деди ва имкон қадар олдинроқ олиб уйда 3-4 кун ўзи сув, емини бериб турса яхши бўлади ва албатта қўйни соғломлигига катта эътибор қилиш керак деди.
2. Ҳозир менда моддий томондан имконим йўқ бўлса, отамдан қарзга олиб қўй сотиб олсам бўладими? Оиламизни катталари чет давлатда яшагани, келиши осон бўлмагани учун отам келган пайтида қилиб олайлик деяпти. Шу сабабдан шошилинч бўлиб қолгани учун мен пул масаласида эпланолмасдан қолдим.
3. Сочи масаласига келсак, у пайтда мен билмаган эдим, шунга энди қанча миқдорда пул беришим керак? Олдиндан раҳмат.