"Ихлос" сураси
18:44 / 30.09.2016 | rustam | 3066
Ассалому алайкум! Устозлар мен бугун тонгда қабрстонга зиёрат қилгани бордим. У ерда раҳматли бувимнинг қабрининг оёқ томонларидан 12 марта “Ихлос” сурасини ўқидим. Эштишимча кимда ким 11 марта “Ихлос” сурасини қабрнинг оёқ томонидан ўқиса қабр ичидаги инсонга Аллоҳ таоло ҳаёт ато этаркан. Мен эса 12 марта ўқидим, бу ҳам бўлаверадими? Жавоб учун раҳмат.
«Зикр аҳлидан сўранг» ҳайъати:
Ва алайкум ассалом! Сиз эшитган гап нотўғри. Ихлос билан Қуръон ўқиб, савоб ҳосил бўлганидан кейин уни маййитга бағишлаш жоиз. Валлоҳу аълам!
