Узрли бўламанми?

Ва алайкум ассалом! Сиз соҳиби узрлар сафига киришингиз учун ҳеч бўлмаса бир вақт намоз кирганидан то чиқиб кетгунича таҳорат олиб, ўша намознинг фақат фарзини ўқиб ололмайдиган ҳолатда узрли бўлишингиз керак. Масалан, шом намозининг вақти кирганидан то чиққунича 50 минут вақт бўлса, янги таҳорат олиб шом намозини ўқишга эса 10 дақиқа вақт кетса, сиз шом вати кирганидан то чиққунича 10 дақиқа ҳам пок туролмайдиган бўлишингиз керак. Акс ҳолда соҳиби узр ҳисобланмайсиз. Агар таҳорат қилиш саломатлигингизга зарар етказишни бошласа, таяммум қилиб ўқишингиз ҳам мумкин. Бу Аллоҳ таолонинг имтиҳонидир. حَدَّثَنَا إِسْحَاقُ قَالَ: حَدَّثَنَا خَالِدُ بْنُ عَبْدِ اللهِ، عَنْ خَالِدٍ، عَنْ عِكْرِمَةَ، عَنْ عَائِشَةَ رَضِي اللهُ عَنْها: أَنَّ النَّبِيَّ صَلَي الله عَلَيْهِ وَسَلَّم اعْتَكَفَ مَعَهُ بَعْضُ نِسَائِهِ وَهْيَ مُسْتَحَاضَةٌ تَرَى الدَّمَ، فَرُبَّمَا وَضَعَتِ الطَّسْتَ تَحْتَهَا مِنَ الدَّمِ. وَزَعَمَ أَنَّ عَائِشَةَ رَأَتْ مَاءَ الْعُصْفُرِ فَقَالَتْ: كَأَنَّ هَذَا شَيْءٌ كَانَتْ فُلَانَةُ تَجِدُهُ. أطرافه: 310، 311، 2037 - تحفة: 17399 - 85/1 Икрима Оиша розияллоҳу анҳодан ривоят қилади: «Набий соллаллоҳу алайҳи васалламнинг аёлларидан бири қон кўриб турган истиҳозали ҳолида у зот билан бирга эътикоф ўтирди. У гоҳида қон сабабли остига тос қўйиб олар эди». (Икриманинг) айтишича, Оиша розияллоҳу анҳо махсар* сувини кўриб: «Бу худди фалон аёл кўрадиган нарсага ўхшар экан», деган. * Махсар – ёввойи заъфарон. (“Олтин силсила” китобидан Саҳиҳул Бухорий). Валлоҳу аълам!