Эҳсон қилиш ҳақида

Ассалому алайкум! Кўп савол бераётганим учун узр сўрайман. Қилаётган яхшиликларингиз учун Аллоҳ сизлардан рози бўлсин. Ҳар бир мусулмон садақа бермоғи лозим. Лекин ҳозирги замонда муҳтож одамларни топиш жуда ҳам қийин. Мени битта опам бор. Ўша опам ҳақиқатдан ҳам жуда қийин аҳволда ҳаёт кечиради. Эри топиб келадиган арзимас пулига бутун оиласини боқади. Меҳмон кутиш у ерда турсин ҳаттоки ўзларини овқатлари учун озиқ-овқатни етказиш улар учун мушкул. Саволим шундан иборатки, ўша опам ўзини мусулмонман деб юради, лекин диндан билими камлиги сабабли кўп шариатга тўғри келмайдиган ва гуноҳ ишлар қилади. Масалан янги йил, туғилган кунларни байрам деб ҳисоблайди ва бошқа шунга ўхшаш амалларни қилади. Шу опамга Аллоҳ ризолиги учун ёрдам қилсам ажр оламанми?