Жавобни тушунмадим
17:38 / 23.12.2016 | Maqsudjon_Maxsudov | 3048
Ассалому алайкум! Яқинда бир савол жавобни ўкиб қолдим. Унда бир ошхонада сих кабоб (шашлик)ни тайёрлашдан олдин димлаб қўйишар экан. Яъни қиймаланган мол гўштига зираворлар билан биргаликда ароқ ҳам аралаштиришиб, гўштни димлаб қўйишар экан. Шунда сих кабоб мазали ва мулойим бўлиб пишар экан. “Ҳурматли Устоз, мана шундай ҳолатда сих кабоб ҳалол ҳисобланадими ёки ҳаром” дейилганда, “Ароқ қўшилган нарса нима бўлса ўша бўлади” деб жавоб берилган экан. Шу жавобга тушунмадим. Бу билан уни еса ҳалол бўлади дейиляптими? Илмсизлигим учун узр сўрайман. Жавоб учун олдиндан раҳмат.
«Зикр аҳлидан сўранг» ҳайъати:
Ва алайкум ассалом! Ароқ қандай ҳаром бўлса у қуйилган нарсалар ҳам ўша каби ҳаром бўлади дейилмоқда. Валлоҳу аълам!
