Ог'из ёпиш
10:00 / 30.05.2017 | Sirojiddin | 4682
Ассалому алайкум! Рамазон ойи муборак булсин! Сахарликдан олдин дам оламан деб, кеч турсаю, хеч нарса емай (ичмай) огиз ёпса, бу кун рузаси кабул боладими? Жавобингиз учун миннатдорман!
«Зикр аҳлидан сўранг» ҳайъати:
Ва алайкум ассалом! Саҳарлик вақти чиққанидан ифторгача ҳеч нарса еб-ичмаса рўза дуруст бўлади. Шу ерда бир нарсани унутмаслик керак. Халқ орасида “бир хўплам сув билан бўлса ҳам саҳарлик қилиш керак” деган гап бор. Буни саҳарлик вақти чиқмаган бўлса шундай қилиш керак. Бамдод вақти кирган бўлса, бир хўплам ҳам сув ичмаслик керак. Акс ҳолда ўша куни тутган рўзаси адо бўлмай зиммасига қазосини тутиш вожиб бўлади. Валлоҳу аълам!
