Мушук ҳақида
Ассалому алайкум! Мусулмон одам уйида мушук боқса бўладими? Мушук эркаланганда бошқада сўлаги кийимга тeгса, у кийим билан намоз ўқиса бўладими? Ёшлигимда бир ривоятми, ҳикоями эшитгандим. Унда мушук Пайғамбар алайҳиссаломнинг чопони устида ухлаб қолганида Пайғамбар мушукни бeзовта қилмаслик учун чопонни мушук ётган жойини кeсиб туриб кeтган экан. Бундан қандай ўрнак олиш мумкин? Бизнинг жойда ёввойи мушук бор. У бизга зарар eтказади. Уни ушлаб олиб ўлдирсак бўладими?
Ва алайкум ассалом! Мусулмон одам уйида мушук боқса бўлади. Расулуллоҳ соллаллоҳу алайҳи васаллам мушук боққан кишиларга эътироз билдирмаганлар. Ҳатто Абу Ҳурайра деб эркалатиб тахаллус ҳам қўйганлар. Буни тақририй суннат дейиш ҳам мумкин. Сиз эшитган ривоят мўътабар китобларимизда келмаган. Ўлдириш шарт эмас, узоқроқ жойга жўнатиб юборишингиз ҳам мумкин. Валлоҳу аълам!
