Бошлиққа олиб берилган нарсалар
Ассалому алайкум! Бошлиқлар учун берилган савол жавобни ўқиб менда савол пайдо бўлди. Ҳурматли ҳайъат аъзолари саволим қуйдагича. Бошлиқ иш юзасидан ишхонага олинадиган нарсалар ёки ўзини манфати учун бирор бир иш айтса яъни маблағга қадаладигон (пулга). Бошлиқ айтган нарсани олиб берса (олиб берувчи оиласини ризқини кесиб). Бошлиққа олиб берилган нарсаларни хукми қандай бўлади? Қиёмат куни пулни бехудага сарифлангани учун жавобгар бўлиб қолмаймизми? Бошлиқ уни олиб кел буни олиб кел десаю олиб келувчи эҳсон ёки садақа деб (ичида айтиб берса) бўладими? Бу дунёда инсон Аллоҳдан қўрқиш керак. Бошлиқдан қўрқани учундир ёки ишидан айрилиб қолишидандир. Бошлиқни айтган хизматини қилади. Жавоб учун сизларга катта раҳмат.
Ва алайкум ассалом! Уларнинг ишдан ташқари юклаган вазифалари тиланиш ҳисобланади. Тиламчилик ҳаром амалдир. Фуқаҳолар “Ўртага тушиб ишни битириб бергани учун олган ҳадя ҳам порадир” деганлар. Валлоҳу аълам!
