Қўйни пулини олиш
11:15 / 29.10.2017 | Diyorbek | 6439
Ассалому алайкум! Бир йил олдин бир танишимга 25 та қишда болалайдиган қўйга ўзаро келишиб пул берган эдим. Келишувимиз шундан иборат эдики, шу қўйларни 1 йилдан кейин болалари билан қайтариб бериши керак эди. Энди шу қўйларни бозорда, бозор нархига солиб пулини берай деябди. Шу пуллани олсам халол бўладими? Жавоб учун олдиндан раҳмат.
«Зикр аҳлидан сўранг» ҳайъати:
Ва алайкум ассалом! Агар қўйларни сотиб олиб, энди сиздан шу кундаги қийматини бериб сотиб олмоқчи бўлса, жоиз. Мабодо қўйларни олмасдан пулни айлантириб, ҳозирги кунга келиб қўй олганда, ҳозирги кунда бўлганида шунча пулга сотилар эди – деб пул бераётган бўлса жоиз эмас. Валлоҳу аълам!
