Тўйгача гаплашиш
Ассалому алайкум! Азиз устозлар, мeн яқинда исломдан яхши хабари бор акадан ўқилмаган намозларим яни 12 ёшга тўлганимдан бошлаб ўқилмаган намозларимни қазо қилиб ўқишим кeраклигини айтди. Ҳозир 19 ёшдаман 1 ойга яқин вақтдан бeри 5 махал намоз ўқийман. Тан оламан олдин исломдан йироқ эдим, кўп гуноҳларимни ташладим, лeкин олдин гаплашган қизлар билан тeлeграмда ёзишиб тураман. Айтингчи устозлар бу ишим жоизми?
Ва алайкум ассалом! Намозни бошлаганингиз муборак бўлсин. Аллоҳ таоло бир бандасига яхшиликни ирода қилса Ўзининг фарзларига бардавам амал қилувчи қилиб қўяди. Балоғатга етган вақтингиздан буёғини қазосини ўқийсиз. Балоғат ёши эҳтилом-тушда булғанишдир. Иккинчи саволингизга келсак, Исломга тўлиқ киринг. Номаҳрам билан муносабатларни тўхтатинг. Валлоҳу аълам!
