Аҳли китобни дуо қилиш
09:51 / 10.12.2017 | Дилдора | 5075
Ассалому алайкум! Аллоҳ умрингизни зиёда айласин. Устозлар, мени дугонам мендан “намозимда аҳли китобларни уларни иймонга келишлари учун дуо қилса бўладими” деб сўрадилар. Аҳли китобларни биз мўминлар Аллоҳдан исломга киришлиги учун дуо қилсак бўладими?
«Зикр аҳлидан сўранг» ҳайъати:
Ва алайкум ассалом! Албатта дуо қилиш керак. Расулуллоҳ соллаллоҳу алайҳи васаллам уларни иймонга келиб қолишларининг умидида юзлаб туя ва қўй-эчкилар ҳадя ҳам қилганлар. Ўз қавмларининг ҳаққига “Аллоҳим қавмимни ҳидоят қилгин, чунки улар билмайдиларда” деб дуо қилганлар. Валлоҳу аълам!
