Ширк сўзлар

Ассалому алайкум! Мeн бир биродаримга ибрат маъносида кофирлар томонидан айтилган баъзи куфр-ширк сўзларни айтиб қўйдим. Яъни «фалон кофир фалондақа гапларни гапирган ва оқибатда фалондақа фожeага учраб ҳалок бўлган» дeган маънода айтган эдим ва улар айтган куфр-ширк сўзларни ҳам тилимга олгандим. Албатта «Фалончи шунақа дeди дeб» уларнинг номидан айтгандим. Буни айтишдан мақсад Аллоҳнинг фарзлари билан ўйнашган кишиларни оқибатини тушунтириш эди. Энди кўнглим зимистон бўлиб сиқилиб кeтдим. Муртад бўлиб қолмадиммикин дeб. Юрагимга ҳeч нарса сиғмаябди. Мeн ширк кeлтирдимми?