Қилинмаган қурбонликнинг қазоси
Ассалому алайкум! 1). Қурбонликнинг қазоси садақа қилиш билан адо бўларкан. Шу садақанинг пулини, масалан касал одам тузалишлиги учун маблағ топа олмаёткан бўлса ёки оператсиясига пули йўқ бўлса, ана шунақа одамларга қурбонликнинг қазосини адо қилишни ният қилиб пул берса садақа ўрнига ўтадими?
2). Ана шундай касалларга садақа сифатида бериладиган пулни садақа қилувчи киши бошқа бир одам(йиғилган пулларни касалларга етказиб беришликни зиммасига олган) орқали берган бўлса, лекин садақа қилувчи садақани касалларга воситачи орқали берилган ёки берилмаганидан хабар тополмаса, садақани воситачи орқали қилган киши қурбонликнинг қазосини адо бўлди деб умид қилса бўладими? Яъни садақа қилувчидан соқит бўладими?
Ва алайкум ассалом! 1). Ўтади. Шарти олувчи закотга қодир бўлмаслигидир. 2). Соқит бўлади. Бермаганлиги аниқ бўлса қайта бериш керак бўлади. Валлоҳу аълам!
