Намоз вақти ҳақида
00:00 / 30.06.2010 | eski savollar | 3173
Фазилатли шайх ҳазратларига европадан ассалому алайкум. Қисқа қилиб саволга о'таман: Ҳозир биз Чэхия Республикасининг Плзен шаҳрида о'қиймиз. Намоз вақтлари масалан бомдод намозининг вақти бугун 1:28, ёки ҳуфтон вақти ҳудди шу кунга 00:58 деб берилган. Ҳуфтонни эрта о'қиса бо'ладими? Жавоб учун аллоҳ розилигини со'раймиз. Бизга о'з юртимиздан, о'з миллатдошимиздан олим яратиб қо'йган аллоҳга беҳисоб ҳамдлар бо'лсин.
Шайх Муҳаммад Содиқ Муҳаммад Юсуф роҳимаҳуллоҳ:
Агар тўғри тушунган бўлсам, Хуфтон билан Бомдод орасида 30 дақийқа бор экан. Бу масалани ўша ердаги ислом ташкилотларидан сўрасангиз яхши бўларди. Улар бу борада қайси ечимни қабул қилишганидан хабарим йўқ. Аслида эса, қутбга яқин, тун билан куннинг ажратиш қийин бўлган минтақаларда Маккаи Мукррама ёки тун ва кун ажрайдиган яқни минтақанинг вақти ила намозларнинг ўқилиш вақти белгиланиши тўғрисида фатволар бор.
