Рeклама қилиш
21:58 / 21.03.2018 | Zafarbek | 6014
Ассалому алайкум! Ота ўзининг қизини(9-синф) номаҳрам йигитларга, тeлeфонда расмини кўрсатиб “Қизимга уйлан” дeган маънода таклиф(рeклама) қилиши жоизми?
«Зикр аҳлидан сўранг» ҳайъати:
Ва алайкум ассалом! Бу отанинг дин-диёнатига боғлиқ. Агар қизини хулқи турмушга чиқиш вақти келганига далолат қилса, таклиф қилинаётган куёв ҳам Расулуллоҳ соллаллоҳу алайҳи васаллам ҳадисларида айтганларидек дини ва хулқига рози бўладиган йигит бўлса бунинг ҳеч қандай айб қиладиган жойи йўқ. Ҳазрати Умар розияллоҳу анҳу қизлари Ҳафса розияллоҳу анҳуни Абу Бакрга, у киши рози бўлмаганларида Усмон розияллоҳу анҳуга таклиф қилганлар. Албатта мол-дунёни деб ёки ўзининг шахсий манфаатларини кўзлаб қизни розилигини эътиборга олмай бундай қилиш шаръан жоиз эмас. Валлоҳу аълам!
