Ота уйимга қайтсам тўғрими?
15:57 / 16.06.2019 | $$$$ | 2813
Ассалому алайкум! Эрим 3 талоқ қўйганлар, ҳозирда чет элдалар. 3 йилда қайтадилар манга эса талоқ берсаларда қайтиб олганман сени деб уйимга кетишимни хохламаяптилар. Мен ҳозир қайнотамни уйида яшаяпман, ота-онам олиб кетаман қизимни дейишса эрим сизлар бизни оиламизни бузмоқчисизлар, бу гуноҳ деб айтди. Ота-онам эса икки ўт орасидалар, талоқдан кейинги вазифани бажармайман деган эрим. Агар бажармаса қаршилигига қарамай ота уйимга кетсам бўладими?
«Зикр аҳлидан сўранг» ҳайъати:
- Ва алайкум ассалом! Уч талоқ қўйилган бўлса идда чиқиши билан аёл эрига ҳаром бўлади. Бошқа эрга тегмагунича ҳалол бўлмайди. Сиз Аллоҳдан қўрқинг, буни оила бузиш эмас бузилиб тузалмас оилани бошқа янги жойдан оила қуриш дейилади. Валлоҳу аълам!
