Таробех намози
18:49 / 24.04.2018 | Jaxongir Umirzoqov | 3804
Ассалому алайкум! Хозирда Қозоғистонда ишлаб юрибман. Рамазон ойи хам яқинлашиб келмоқда. Саволим шундан иборатки масжид йўқ ёки узоқда бўлса, таробех намозига боролмаса, қандай қилиб таробех намозини адо этиш мумкин? Қуръонни телефонда эшитиб намозни тугатса хам бўладими?
«Зикр аҳлидан сўранг» ҳайъати:
Ваалайкум ассалом! Таровеҳ ўқиш суннати муаккададир. Ҳатто аёлларга ҳам, яъни вожибга яқин. Тарк қилиш таҳримий макруҳ. Бунинг учун ёлғиз ўқиш ҳам кифоя қилади. Ҳатто фуқаҳоларимиз ўзлари қори бўлганлар жамоатдаги бир пораларга кифояланмай, ёлғиз ва кўпроқ қироат қилиб ўқишларини афзал ҳам деганлар. Билган сураларингизни ўқийверасиз. Хатмга қатнашишга имконингиз бўлса қатнашасиз, имкон бўлмаса таровиҳни ўзини ўқийверасиз. Намоздан бошқа вақт эшитиб хатм қилишингиз мумкин. Валлоҳу аълам!
