Рўза очиладими?
17:52 / 31.05.2018 | Fazliddin | 2487
Ассалому алайкум! Мен билмаган холда сабзини бир бўлагини чайнаётган эдим, рўзалигим эсимга тушиб қолди ва оғзимдан уни олиб ташладим, лекин томоғимда ҳали ютилмаган кичик бир нарса турган эди. Уни чиқара олмадим ва ютилиб кетди. Рўзам очилдими?
«Зикр аҳлидан сўранг» ҳайъати:
Ваалайкум ассалом! Ютганингиз нўхотдан кичик бўлса рўза очилмайди. Чунки фиқҳий китобларда оғзидаги таомни ютиб юборса нўхотдан кичик бўлса рўза очилмайди, катта бўла очилади дейилган. Бу албатта тишлар орасида қолган бўлса ёки эсида йўқ чайнаб турганидан кейин эсига тушиб турганида ютган бўлса. Аммо эсида бўлатуриб нўхотдан кичигини ҳам қасдан оғзига солиб ютиб юбориш рўзани очади. Валлоҳу аълам!
