Камаз ва дамас закоти
Ассалому алайкум! Ҳурматли Шайх жаноблари. Саволим бор эди. 1. Бир кишининг 4та Камаз, 1та дамас машинаси бор. У киши 3 та ўғиллари билан шу машиналарни хайдаб мехнат қилади. 1та камаз ижарага берилган. Савол шуки, бу киши 4 та камаз ва 1 та дамас учун закот берадими? 2. Бир киши камаз машинасида мехнат қилади. У факир яъни, 5 милён 100 минг сўм пул маблағи йўқ(нисоб). Одамларга тош-шағал кабиларини ташиб берса, сўнг фақир одамдан тош-шағал кабилар хақини хам, йўл кира хақини хам олмай закотни ният қилса, закот ўрнига ўтадими?
– Ва алайкум ассалом! 1. Мазкур машиналарнинг ўзидан закот бермайди. Чунки, ишлаб чиқариш воситаларидан закот берилмайди. Ўша машиналарни ишлатиб топилган пуллар нисобга етса, мазкур маблағдан закот берилади.
2. Мазкур одам закот бермайди. Ишлаб бериб, ҳақини закотдан ҳисоблаш мумкин эмас.
