Шом номози
21:01 / 25.07.2018 | Oybek Abdu | 3012
Ассалому алайкум! Шом номозидан аввал масжидга кирганда масжид ҳақи номозини ўқиса бўладими? Шом номозидан аввал нафл номози ўқиб бўлмас экан, лекин масжидга кирганда намоз ўқиш керакку?
«Зикр аҳлидан сўранг» ҳайъати:
- Ва алайкум ассалом! Расулуллоҳ соллаллоҳу алайҳи васаллам ҳар бир масжидга кирган ўтирмасидан аввал таҳиятул масжид ўқишга буюрганлар. Яна бир ҳадисларида маълум вақтларда мутлоқ намоз қимасликка ва яна баъзи вақтларда эса фарзлар жоиз, лекин нафллар ўқимасликка буюрганлар. Аср ўқилганидан кейин шомгача бўлган вақт нафл ўқиш жоиз бўлмаган вақт ҳисобланади. Шунинг учун у вақтда масжидга кирган киши нафл намозини ўқимаслиги керак. У вақтда зикр ва тасбеҳга машғул бўлинади. Валлоҳу аълам!
