Васвасами?
20:36 / 02.08.2018 | DiUz Block Connection | 2594
Ассалому алайкум! Сизларнинг жавобингиз биз учун жуда мухим! Уйимизда ўзимизнинг қариндош устачилик қиляпти. Намоз ўқимайди, яқиндагина кечаси билан ухлаёлмай хар хил овозлар эшитаётканини айтди. Эртаси куни ўша овоз уни чақираётканини ва тушида хам уни қўрқитаётканини айтди. Мен ўзим 5 махал намоз ўқийман Алҳамдулиллаҳ, у кишига намозни ўргатяпман, кечаси Қуръон ўқиб беряпман, лекин ўша овозлар хали хам безовта қилаяпти. Бир ўзи қолишдан қўрқади. Нима қилишни маслахат берасизлар? Кеча домла келиб ўқиб кетти.
«Зикр аҳлидан сўранг» ҳайъати:
- Ва алайкум ассалом! Васваса эмас. Инсон Аллоҳнинг фарзларини адо қилмай юргани учун нафас олиб турганига шукур қилиши керак. Чунки бундай инсон ҳар томонлама шайтоннинг қўлида бўлади. Шайтон уни хоҳлаган куйига солади. Бунинг оддий ечими таҳорат қилиб беш вақт намоз ўқиш, жамоатда ўқиладиган бўлса катта жамоатга ёғиладиган раҳматнинг нури ўзи шифо бўлади. Ётишда Расулуллоҳ соллаллоҳу алайҳи васаллам ўқиган суннат дуоларини ўқиб турса ҳеч қандай зарар қилмайди. Дунёда шайтоннинг дўсти бўлган кишиларга охиратда ҳам дўст бўлиб қолишлари хавфи бор. Валлоҳу аълам!
