Тарозидан урганни билиб туриб айтмаса
16:01 / 11.08.2018 | Islombek Sultonov | 2075
Ассалому алайкум! Мен бозорда полиз маҳсулотлари билан савдо қилувчи битта аёлни биламан. Ҳар ӯлчаган тарозида ӯлчайдиган идиши билан ҳисоблайди. Натижада ҳар ӯлчанганда камида 300 грамм кам бӯлади. Бир неча марта ӯзимга кам берди. Кейин ундан ҳеч нарса сотиб олмайдиган бӯлдим. Аммо бозорнинг шу қисмидан ӯтаётганимда ундан бошқа ҳаридорлар картошка, пиёз сотиб олётганини кӯраман. Ӯша харидорларнинг ёнига бориб тарози ҳақида огоҳлантиришим шартми? Бунга кимдир ишонади, кимдир йӯқ. Битта харидорнинг ёнига бориб огоҳлантирганимда у менга эмас, сотувчини ҳалоллигига ишонди, аммо сотувчининг уриб қолганига ишончим комил эди. Сотувчи эса мени қувиб солди. Бу ӯтиб кетди. Саволим: Агар яна худди шундай вазиятнинг гувоҳи бӯлсам, харидорни огоҳлантиришимнинг мен учун ҳукми қандай?
«Зикр аҳлидан сўранг» ҳайъати:
- Ва алайкум ассалом! Бир оғиз айтинг, қабул қилса қилди, қилмаса йўқ. Валлоҳу аълам!
