Она, фарзанд ва ўғил
00:00 / 10.12.2010 | eski savollar | 2686
Ассалому алайкум, хазрат.Хар сафар аёлим мендан уйига бориб келиш учун рухсат сўраса, мен онамнинг рухсат бериш ёки бермаслигидан қўрқаман. Қўрқишимнинг боиси, мен рухсат берганимда онам рухсат бермайди. Ўртада эса мен бебурд бўлиб қоляпман. Онамга хабар бермасдан аёлим уйига бориб келишлик эса одобдан эмас.Мен аёлимга икки хафтада бир марта ёки бир ойда бир марта бориб келишига рухсат бераман. Онам хам менинг қароримни тасдиқлаши учун нима қилишим керак ёки мен бундай вазиятда қандай иш тутаман?Аллох сиздан рози бўлсин.
Шайх Муҳаммад Содиқ Муҳаммад Юсуф роҳимаҳуллоҳ:
- Ҳар ҳафтада рухсат беришингиз керак. Яъни, аёлнинг ҳаққи бор. Бу ишга онанинг дахли йўқ. Оналар ҳам ўз ҳурматларини билишлари керак. Уларнинг ҳурматлари катти бўлса ҳам, шариатдан устин эмаслар. Уларга ҳурматни шариат берган. Оналар Ўзларига ҳурмат берган шариатни беҳурмат қилмасинлар!
