Таомланишдан олдин туз ялаш ҳақида
Ассалому алайкум! Аллоҳим дин йўлида қилаётган хизматларингизга улкан ажрлар берсин. Бир дўстимдан битта ҳадис эшитдим, бундан олдин ҳам ёши катта бир кишидан ҳам айнан шу ҳадисни эшитгандим. Лекин ровийсини билолмадик. Овқатдан олдин ва овқатдан кейин туз ялаш суннат амал экан. Шу ҳадис борми? Бўлса тўлиқ ровийси билан ёзиб юборинг, илтимос. Жавобларингиз учун Аллоҳ рози бўлсин.
- Ва алайкум ассалом! Бу гап аслида қуйидагича келади:
عَنِ ابْنِ عَبَّاسٍ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : "ثَلاثُ لُقْمَاتٍ بِالْمِلْحِ قَبْلَ الطَّعَامِ وَثَلاثٌ بَعْدَ الطَّعَامِ تُصْرَفُ بِهِنَّ عَنِ ابْنِ آدَمَ اثْنَانِ وَسَبْعُونَ نَوْعًا مِنَ الْبَلاءِ ، مِنْهَا الْجُنُونُ ، وَالْجُذَامُ ، وَالْبَرَصُ
Ибн Аббос розияллоҳу анҳудан ривоят қилинади:
"Расулуллоҳ соллаллоҳу алайҳи васаллам : “Таомдан олдинги ва таомдан кейинги туз билан бўлган уч луқма одам фарзандидан балонинг 72 навини даф қилади. Улардан баъзиси жиннилик, маховлик ва песлик” дедилар".
Бу ҳадис борасида уламолар турлича фикрни айтганлар. Баъзилари заиф десалар, баъзилари тўқима деганлар. Шунга кўра буни суннат дейиш қийин. Валлоҳу аълам!
