Имом Маҳдий
Ассалому алайкум! Ҳорун Яҳёнинг филмларини кўрганимдан кейин Имом Маҳдий тўғрисида қизиқиб қолдим. Имом Маҳдий тўғрисида сизнинг сайтддаги китобингиздан ўқидим. Кейин ''Қиёмат аломатлари'' деган китобни ўқидим. Бу китобда Имом Маҳдий тўғрисида бир қанча ҳадислар келтирилган. Унинг тепа сочи йўқлиги, бургутбурун бўлиши, отасининг исми Абдуллоҳ, ўзининг исми Муҳаммад (Абдуллоҳ ибн Муҳаммад) бўлиши тўғрисида ёзилган. Лекин бу ҳадислар сиз келтирган ҳадислар орасида йўқ экан. Саволим шуки, 1. Имом Маҳдийнинг тепа сочи йўқлиги, бургутбурун бўлиши, отасининг исми Абдуллоҳ, ўзининг исми Муҳаммад бўлиши ҳақидаги ҳадислар саҳиҳми? 2. Унинг шаҳсий сифатларини қанақа?
– Ва алайкум ассалом! Имом Маҳдийнинг исми Муҳаммад оталарининг исми Абдуллоҳ бўлиши ҳақида ривоятлар бор. Аммо сочлари ва бурунлари ҳамда тана тузилишлари, юз кўзлари ҳақидаги ривоятлари мен билмайман. У кишининг шахсий сифатларини ўрганганларга савоб ваъда қилинмагани учун ахтармаганман.
