Талоқ тушдими?
Ассалому алайкум! Ҳурматли устозлар, мен аввалги саволимда турмуш ўртоғимга агар ичсангиз мени талоқ қилган бўласиз, деганимда улар беэтибор хўп дегандилар. Кейин талоқ ҳақида жанжаллашганимизда “уйга келма, ажрашсам ажрашавераман” деган. Кейин турмуш ўртоғим билан домланинг олдига бордик, у киши биринчи сафар ражий талоқ тушган, иккинчи сафар талоқ тушмаган, бундай ҳолат эр-хотин ўртасида бўлиб туради, деб жавоб берди. Эримдан нима ниятда айтганини сўрамади, домла. Домла тўғри йўл тутдими, жавобингиз учун катта раҳмат.
– Ва алайкум ассалом! Бу каби масалаларни жонли мажлисда, икки томон ва гувоҳлар ҳузурида кўриш керак. Сизлар ўзингизга яқин жойдаги бирор аҳли илмга учраб маслаҳат қилинглар. Ҳақиқий илмли одамга мурожаат қилинглар, номи домла бўлса бораверманглар. Валлоҳу аълам!
