Саҳобаларни қилганлари
09:10 / 24.10.2018 | ISLAM | 2259
Ассалому алайкум! Сайтда менга керакли жавоб йўқ экан. Нега Язид, Пайғамбаримиз соллаллоҳу алайҳи васаллам суюкли неваралари имом Хусайнни ўлдирган бўлсада, унга буюк сахоба ва мусулмон каби қаралади? Ахир у кечирилмас гунох қилганку.
«Зикр аҳлидан сўранг» ҳайъати:
- Ва алайкум ассалом! Биз ўзимиз иштирок қилмаган ишларга баҳо беришга буюрилмаганмиз. Воқеъани қандай бўлганини аниқ билишимиз учун ўша воқеъада қатнашганлар керак бўлади. Афсус улар ўтиб кетганлар. Аллоҳ таоло “Бақара” сурасида марҳамат қилади:
تِلْكَ أُمَّةٌ قَدْ خَلَتْ لَهَا مَا كَسَبَتْ وَلَكُم مَّا كَسَبْتُمْ وَلاَ تُسْأَلُونَ عَمَّا كَانُوا يَعْمَلُونَ
134. Булар ўтиб кетган умматдирлар. Уларга ўзлари касб қилганлари бўлур, сизларга ўзингиз касб қилганингиз бўлур. Уларнинг қилган амалларидан сўралмассиз. Валлоҳу аълам!
