Ёшларда ўз жонига суиқасдни кўпайиб кетиши
23:41 / 17.01.2019 | 1509
Ассалому алайкум! Интернетда мудҳиш хабарлар одамни қийнаб юборадиган даврлар бўлиб турибди. Ҳар ҳафта қайсидир вилоятда мактаб ўқувчиси ўзини ўзи осди деган хабарлар дини, миллати учун қайғурган инсонга таъсир қилади албатта. Бунга ҳар хил соҳа мутахассислари турлича фикр билдиришади. Лекин бизнинг сизларга мурожаатимиз, шариат мутахассиси сифатида буни олдини олиш ва ечими нимада деб биласизлар? Шоядки жавобингиз ёшларимиз орасида ечим бўлишига сабаб бўлса.
«Зикр аҳлидан сўранг» ҳайъати:
- Ва алайкум ассалом! Бунинг ягона ечими болалар ёшлигидан уларнинг қалбига “Бу иш ўта оғир гуноҳ, унинг жазоси абадий дўзахда қолиш. Ўлим қутилиш чораси эмас”лигини сингдириш керак. Қуръон ўқитиш керак, қалбида Аллоҳдан қўрқиш бўлган бола асло бу каби ишларга яқинлашмайди. Валлоҳу аълам!
