Уйкуга ётишдан олдинги дам солишни кайфияти

Ассалому алайкум мухтарам устоз! Сизга савол ила мурожаат килишга ижозат бергайсиз.- Маълумки мусулмон кишининг ухлашдан олдин Пайгамбар с.а.в га эргашиб, икки кафтини очган холатда, Ихлос ва муаввизатайн (икки кул аъузу)ни укиб дам солиб, бошидан бошлаб, олди тарафларига кули етган жойгача суртиб кейин уйкуга ётишлиги суннатга мувофик амалдир. Далил: Имом Бухорий Ойша онамиздан ривоят қиладилар: «Набий соллаллоҳу алайҳи васаллам ҳар кеча жойларига ётсалар, икки кафтларига «Қул ҳуваллоҳу аҳад», «Қул аъуузу бироббил фалақ» ва «Қул аъуузу бироббиннаси» суралари ўқиб, дам солиб баданларига етган жойигача бошлари ва юзларидан бошлаб олд тарафларига суртиб ётардилар. Буни уч марта қилар эдилар».Мухтарам устоз! Хадис матнидаги "Буни уч марта қилар эдилар" деган матндан нимани тушунсак булади, ихлос ва муаввизатайнни кафтларга бир марта укиб, кулларни баданга уч маротаба суртишними ёки сураларни хам уч марта укиш керакми? Биз сураларни бир марта укиб, уч марта баданимизга суртамиз. Илтимос бу амални кайфияти ва ададини баён килиб берсангиз.Жавобингиз учун ташаккур! Хурмат ила талабангиз Умиджон.