Боғдорчиликдаги масала
16:55 / 16.02.2019 | Mahmud Ro'zmatov | 1673
Ассалому алайкум! Мени шафтоли боғим бор. Мавсумда йирик харидорлар яшиклаб шафтоли харид қилади ва яшикларни ўзлари беради. Яшикларни 1.5 кило деб беришади. Аслида унинг оғирлиги тахминан 1 кило чиқади. Шунда биз хар бир яшик мевадан зараримизга сотамиз. Бу қилаётган ишлари халол эмаслигини айтсам хам хақиқий оғирлик бўйича иш қилиш кераклигини айтсам хам рози бўлмайди. Биз нима қилишимиз керак, хаққимиздан кечиб бўлсада қилаётган фойдамиз халолми? Бу холатда қандай йўл тутайлик?
«Зикр аҳлидан сўранг» ҳайъати:
- Ва алайкум ассалом! Сотмайман, ҳамма яшикнинг бирданига оғирлигини ҳисоблаймиз, сўнг ўшани чиқариб юборамиз. Чунки сизларни биздан эвазсиз олаётган миқдорингиз рибо, мен бу судхўрликка асосий сабабчиман – дейиш керак. Валлоҳу аълам!
