Рибо
14:41 / 26.02.2019 | Roqib | 1867
Ассалому алайкум! Талабалик давримда 8-10 йиллар олдин контракт тўловларимда пластик карта, фермер ёки фирмалардан фоизга пул ўтказдиргандим (мисол учун 1 000 000 ўтказиб берса 800 000 нақд берганман). Кейин билсам бу рибо экан. Мана шу пулларни эгаларига қайтариш учун тўплагандим, аммо фақат битта фирмадан бошқасини топа олмадим. Чунки уларни бирортасини ҳам танимасдим. Топа олмаган одамларимни пулини савоб умид қилмасдан ўша инсонлар номидан қишлоғимиз масжидига берсам бўладими? Жавоб учун олдиндан раҳмат!
«Зикр аҳлидан сўранг» ҳайъати:
- Ва алайкум ассалом! Бу каби нарсалар бировнинг мулки бўлиб нопок нарса ҳисобланади. Нопок нарсани масжидга берилмайди. Камбағал бўлсангиз ўзингиз ишлатинг, бой бўлсангиз савоб умид қилмасдан эгасининг номидан бирор камбағалга садақа қилиб юборинг. Валлоҳу аълам!
