Эҳсон мусобақаси
20:17 / 05.03.2019 | * LSI VloG's | 2028
Ассалому алайкум! Телеграм мессенджерида Хайрия гуруҳи бор. Ўша гуруҳда гуруҳ аъзолари биргаликда эҳсон мусобақаси ўйнашади. Шу мусобақага қўшилиб ўйнасак бўладими? Мусобака тартиби: мисол, бир киши 1000 сўм эҳсон қилиб чекини ташлайди, 2-одам 2000 сўм эҳсон қилади, у ҳам чекини ташлайди, 3- одам 3000 сўм эҳсон қилади, у ҳам чекини ташлайди,... Ким ўзарга эҳсон қилиш мусобақаси давом этади. Эҳсонлар ҳаммаси хайрия фонди ҳисоб рақамига келиб тушади ва йиғилган пуллар бирор ночор, муҳтож инсонга берилади. Шундай мусобақаларда қатнашсак бўлаверадими? Биз ҳам эҳсон қилган пулимизни чекини ташласак кибрга кириб қолмайдими?
«Зикр аҳлидан сўранг» ҳайъати:
- Ва алайкум ассалом! Албатта бўлади. Ошкора эҳсон қилиш ҳам жоиз, лекин риё каби нарсалардан эҳтиёт бўлиш керак. Кимни қалбида шундай нарсалар бўлиб қолса 5-10 мингни деб кичик ширк бўлган риёга қўл уриб қўймаслик керак. Валлоҳу аълам!
